ღهـيـبـة مـلـكღ
08-07-2008, 02:05 AM
ياكثر ما رافقت خلان وأحباب
ويا كثر ما في شدتي هملوني
على كثر ما اعدهم ستر وحجاب
على كثر ما احتجتهم واتركوني
من صارت الخوه ثمن حفة تراب
نفس الوجيه اللي نصوني نسوني
من غير ذكر عروق وفروق وانساب
كانوا ثلاثه والثلاثه جفوني
علمتهم وشلون الاهداف تنصاب
ولما سواعدهم قوت صوبوني
عشاني اصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم انياب
حتى النصيحه مابغوا ينصحوني
دام العطايا عندهم دين واتعاب
والله لو اطلب ذنبهم ما عطوني
طالب نصيحه كني مطالب رقاب
وهي نصيحه كيف لو زوجوني
كنت اكتب لنفسي مشاريه وعتاب
ولا ادري ان اللي قروني قروني
تضاربت من دوني عقول وألباب
واجد بغوا غيري وواجد بغوني
اقفل هدب تسهر على شعري اهداب
كني حبست رقادهم في جفوني
لو شفتهم واحد يشوفوني اسراب
من وين مالدوا نظرهم لقوني
اثري وجودي بينهم محرق أعصاب
ومزعل بعضهم من بعض لو طروني
ياكبري بعيني وانا توني شاب
وأهم كتاب الشعر حاربوني
حتى ولو يهوي على نجمي شهاب
يكفيني ان اسمي كبير بعيوني
قد قال ابوي ان هبتهم قول ما أهاب
لو يقدرونك قول ماتقدروني
وما دام قبري محتضن راس مرقاب
على كثر ماتقدرون ادفنوني
لو ماني بذيب نهشت عظمي ذياب
لو ماقدرت اثبت وجودي لغوني
لو ما سكنت وجيههم مت بغياب
لو ماعرفت امحي ورقهم محوني
ماجيت ابذبل كبدهم شعر وخطاب
لين ذبلوا كبد الذي خلفوني
ياويل وجهي كن للدمع مخلاب
ما جف ماه وما استحى من طعوني
كل ما طرالي منظر مريت وارتاب
كان الوحيد اللي يحرك شجوني
قبلة صلاه وذكر وخشوع وكتاب
وامي على سجادة النور دوني
تدعيلي الله يفتح بوجهي ابواب
تتوسله بالشده يكون عوني
من كثر ما خفاقها بالدعا ذاب
صارت تحس ان زملاي كرهوني
بشرتها يمه معي ربع وأصحاب
ماني لحالي واجد الي يبوني
من يوم ما حاز قلمي كل الالقاب
قلبتهم في دفتري واحفظوني
الله وهبنيهم بني عم واجناب
من يوم جيت اعجبتهم واعجبوني
واعجابهم فيني ماهو بأيه اعجاب
باسلوبي بشرحي بطرحي بلوني
لو قلت عن نفسي بشر صرت كذاب
لو قلت دمي من ذهب صدقوني
لو بيدهم كان زرعوا دربي اعشاب
لو بكيفهم لو يتشبهون شبهوني
من كثر ما صاروا من طبوعي قراب
حتى بلبسة شمغهم قلدوني
واجد دعوني واغلقوا دوني الباب
وكثار ناس ابكيلهم مابكوني
لو طالوا لهدمي مناسب وأطناب
كان وغلاتج من زمان هدموني
مادام حطوا فيني عيوب واسباب
جنبت عنهم مثل ما جنبوني
اصلا لو ان بخوتي شي ينعاب
ذبحت نفسي قبل لا يذبحوني
انا يدي لو ما كست متني ثياب
نذرٍ علي اقطع يدي من متوني
مو عيب اجي مدعو ولا أشوف ترحاب
العيب لو اني رجعت ان دعوني
ما دمت اجي ولا يحسبولي حساب
حرمت اروح اذا يبوني يجوني
ويا كثر ما في شدتي هملوني
على كثر ما اعدهم ستر وحجاب
على كثر ما احتجتهم واتركوني
من صارت الخوه ثمن حفة تراب
نفس الوجيه اللي نصوني نسوني
من غير ذكر عروق وفروق وانساب
كانوا ثلاثه والثلاثه جفوني
علمتهم وشلون الاهداف تنصاب
ولما سواعدهم قوت صوبوني
عشاني اصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم انياب
حتى النصيحه مابغوا ينصحوني
دام العطايا عندهم دين واتعاب
والله لو اطلب ذنبهم ما عطوني
طالب نصيحه كني مطالب رقاب
وهي نصيحه كيف لو زوجوني
كنت اكتب لنفسي مشاريه وعتاب
ولا ادري ان اللي قروني قروني
تضاربت من دوني عقول وألباب
واجد بغوا غيري وواجد بغوني
اقفل هدب تسهر على شعري اهداب
كني حبست رقادهم في جفوني
لو شفتهم واحد يشوفوني اسراب
من وين مالدوا نظرهم لقوني
اثري وجودي بينهم محرق أعصاب
ومزعل بعضهم من بعض لو طروني
ياكبري بعيني وانا توني شاب
وأهم كتاب الشعر حاربوني
حتى ولو يهوي على نجمي شهاب
يكفيني ان اسمي كبير بعيوني
قد قال ابوي ان هبتهم قول ما أهاب
لو يقدرونك قول ماتقدروني
وما دام قبري محتضن راس مرقاب
على كثر ماتقدرون ادفنوني
لو ماني بذيب نهشت عظمي ذياب
لو ماقدرت اثبت وجودي لغوني
لو ما سكنت وجيههم مت بغياب
لو ماعرفت امحي ورقهم محوني
ماجيت ابذبل كبدهم شعر وخطاب
لين ذبلوا كبد الذي خلفوني
ياويل وجهي كن للدمع مخلاب
ما جف ماه وما استحى من طعوني
كل ما طرالي منظر مريت وارتاب
كان الوحيد اللي يحرك شجوني
قبلة صلاه وذكر وخشوع وكتاب
وامي على سجادة النور دوني
تدعيلي الله يفتح بوجهي ابواب
تتوسله بالشده يكون عوني
من كثر ما خفاقها بالدعا ذاب
صارت تحس ان زملاي كرهوني
بشرتها يمه معي ربع وأصحاب
ماني لحالي واجد الي يبوني
من يوم ما حاز قلمي كل الالقاب
قلبتهم في دفتري واحفظوني
الله وهبنيهم بني عم واجناب
من يوم جيت اعجبتهم واعجبوني
واعجابهم فيني ماهو بأيه اعجاب
باسلوبي بشرحي بطرحي بلوني
لو قلت عن نفسي بشر صرت كذاب
لو قلت دمي من ذهب صدقوني
لو بيدهم كان زرعوا دربي اعشاب
لو بكيفهم لو يتشبهون شبهوني
من كثر ما صاروا من طبوعي قراب
حتى بلبسة شمغهم قلدوني
واجد دعوني واغلقوا دوني الباب
وكثار ناس ابكيلهم مابكوني
لو طالوا لهدمي مناسب وأطناب
كان وغلاتج من زمان هدموني
مادام حطوا فيني عيوب واسباب
جنبت عنهم مثل ما جنبوني
اصلا لو ان بخوتي شي ينعاب
ذبحت نفسي قبل لا يذبحوني
انا يدي لو ما كست متني ثياب
نذرٍ علي اقطع يدي من متوني
مو عيب اجي مدعو ولا أشوف ترحاب
العيب لو اني رجعت ان دعوني
ما دمت اجي ولا يحسبولي حساب
حرمت اروح اذا يبوني يجوني