يالي دفنتوا جثته .. ليه تبكون؟؟

[قلب قساه الزمن]

يالي دفنتوا جثته .. ليه تبكون؟؟
لولا الحيا لأقول:معكم خذوني..

منه انحرمت وكنت انا عنه مسجون..
ما اذكر لمحته ..غير مره بعيوني..

شفته..وكانت فرحتي مالها لون..
عجزت لاوصف ..من لمحته شجوني..

ياليتني كنت الكفن يوم تمشون..
ابقى معه بالقبر ثم فنوني..

او ليتني ..من خلفكم كنت "مجنون"
اتبع خطاكم والعذر هو:جنوني..

ابكي وراكم..وادعي ان كان تدعون..
مايكفي انه عاش عمره بدوني؟؟؟

تكفون<<<هاكم عمري اليوم تكفون..
برخص حياتي دام خابت ظنوني..

ما فادني صبري ولا فادني عون..
ولا فادني دمع ..حرق لي جفوني..

ياما بكيته والبكى يحرق عيون..
ميت او انه حي دمعتي بعيوني!!

العام كان بفرحته.. يعزف لحون..
واليوم,تحت الارض ..ماهو بكوني..

لكن انا في فرحته ..كنت مدفون..
فوق الثرى..واليوم موته سجوني...

{سميت قلبي عقب فرقاه ملـــعون}
هو والليالي ..عن هناه امنعوني..

ياليتني ماعشت لحظه بهالكون...
وياليت ربعي ..في سكات اذبحوني..

وياليتكم ..عن همي اليوم تدرون..
منه انحرمت >ومن عزاه حرموووني..

حتى بوفاته !!يوم انا طحت مطعون..
اخفيت طعناتي ..قبل لايفظحوني..

بكيت!!لكن ..ما تظاهرت بالهون..
ابكي واقول :الموت هو سبة طعوني..

وان كان في حبي انا..ماتحسون..؟!
دلوني لقبره ..وهناك..اتركوني..!!!!

[ღهـيـMـبـة مـلـEـكღ]

الله عليك

قمة الابداع والتميز

سلمت اناملك خيتي وش الدنياااا


لاهنتي ياغلاا

[قلب قساه الزمن]

اسعدني مرورك اخي الماجد
نورت ......

[أبو عبدالرحمن]

ابيات جميله ومؤثره
الله يعطيك العافيه

[«صًآحِبةٌ آلسُموٌٍ»]

معاني لا تحتاج لتعقيب


في هي بحد ذاتها .. أبـــداع ..



سلمت يداك ع الاختيار الراقي..




ودي وعطر وردي

[ام ضروس]

مشكووووووووووووووووووووره
على الابيات
وتقبلي مروري

[همس النسيم]

قصيده مؤثره

مبكيه والله

نقل موفق