ابو شيخه
04-20-2009, 11:26 PM
ألفٍ اولف بيوتن طاب مبناها = مدام هي من هجوسي زان معناها
احب بالشعر اسلي خاطرن ضايق = لاصرت اردد بيوت الشعر واقراها
والبا بحاكي بشعري حبي الفايت = قصة عشق ما أظن القلب ينساها
بعد رحل من عشقته غاب ماشفته = رحل بعد ما حياتي كان يزهاها
والتا توارى حبيبي بعد مازارى = كما نجومن حجبها الغيم واخفاها
تَغيّبت سافرت من عقب ماكانت = في وسط نجد العذيه عُقر سُكناها
والثا ثلاتة سنينٍ مدة الغيبة = ثلاثة اعوام اراقب واتحرّاها
ثلاثة اعوام امنّي نفسي ابشوفه= والعين حلو الكرى ماعاد ينصاها
والجا جفاه الزمان اليوم ماجاني = ماهو تَغَلي لأن الظرف يقواها
جنيت فرقا وخلي جانين فرقا = فارقتها فارقتني بعد لُقياها
والحا حشا ما نسيته لو تباطيته = قلبي وفا ياعرب ياكيف ابنساها
حاولت انسّي فؤادي بس ما فادي = دقات قلبي تجدد دوم ذكراها
والخا خساره ماعاد ادلّ انا داره = يومه رحل من صحاري نجد واقراها
خطير حالي لاشفت الدار مهجوره = اخاف تفضحني عيني ابكثرة ابكاها
والدال دالوب عشقي ياعرب دارا = امسيت ابشوق الغلا واصبحت ابفرقاها
دكّ الفراق الفؤاد وزاد غربالي = مالوم عيننن تبل الكم من ماها
والذال ذبلت ورود العشق وازهوره = من يوم غيبت حبيبي محدن اسقاها
ذَبْلَتْ وجفّت وشانت عقبها صارت = اورود وازهور حزنن غاب حُسناها
والرا رحيله مريرٍ كنّه الحنظل = مرن على كبدي اليومه تمطواها
راحت وقفّت وانا بروح واقفّي = اعيش في دنيتي واتعيش دنياها
والزاي زحمه حياتي بس وحداني = ما شوف غيره عيوني حبه اعماها
زيارة ابغى ازوره مير ما دله = لو نعرف اوطان داره كان زرناها
والسين سكّرت انا دفاتر ايامه = ماهوب نسيان ماغير اتناساها
سجّيت رجلي على دربن يسليني = كود الخلا للجروح اليوم يبراها
والشين شرّفت راس النايف العالي = وغنيت ببيات امحمد قد تغنّاها
شلت بالصوت يامعدّي طرب حوّل= خلّ المراقيب لمعذّب ويرقاها
والصاد صكّات بقعا كنّها جتني = ياكنّها ناويتني من ضحاياها
صويب كنّي بسهمن عقب مادارت = حربن شنيعة بعد ما اقفت رحاياها
والضاد ضاع الفرح ماعاد انا ليبه = ياكنّ الاحزان قهوة واتقواها
ضناني الشوق واتعبني وبهذلني = فرقا ودمعات حزنن ذي جنيناها
والطا طراتي مُناتي شوفت الغالي = وانعيد لحظات حلوة قد قضيناها
طنين صوت الحنين ابداخلي طنّي = طنطٍ وطنطٍ حياتي يوم عنّاها
والظاد ظرفن يفرق غالي وغالي = يحزن قلوب العرب بالبعد يبلاها
ظروفن اتفرق العشاق تحزنهم = ماقسى ظروفن تفرقنا يامقساها
والعين عشرة وسبعه ما مضى من حرف= سبعة عشر حرف حنّا قد سردناها
عقبها مابقى من حرف ابحكيبه = عن حالي اليوم يا وشهي مزاياها
الغين غازيني همّ الطيب سرّاني = وغيري رجالن مثل هالهمّ سرّاها
غديت مابين همّ وبين هوجاسن = رجلي بهمّ المراجل صار ممشاها
والفا فقارى الكرامة مانماشيهم = ما حب رفقة جماعه ذي حلاياها
في خوّة اهل الكرامة صرت انا ساعي= ناسن عزيزة وعز النفس أغناها
والقاف قيفان شعري ناوي اختمها = بالنصح ياكود بالنصح اتحلواها
قصيدةٍ فالبداية قصة العاشق = نختمها بالنصح يومنّا نظمناها
الكاف كل النمايم لاتصدّقها= اسفها لاجتك كنّ محدنّ توحّاها
كب النميمة ومن هو جاك ناقلها = نمّام نفسه تشيل ارداه برداها
واللام ليّاك تاخذ شور من جاهل = ما فاد نفسه يوم ابجهله تبّلاها
لا صرت ناوي تشاور اسئل امجرب = عاش الغرابيل يومنّه تلقّاها
والميم ماكل من يضحك معك صادق = والناس محدنّ ترا يكشف نواياها
ما يكشف النية ألا ربنا العالي = ولّا النوايا جميع الناس تخفاها
والنون ناسن تقفّي عنك مغرورة = احشم كرامتك ليّاك اتوّلاها
ناسن تْحسبَ المراجل بشت وعقالي = نوبٍ يمين المراجل نوب يسراها
والها هبيلن فضيخ القلب وشلكبه = عن خوّة الصنف هذا نفسك انهاها
هاذي ترا ها وصاتي يوم وصيتك = أخذ النصيحه لاصرت اليوم تبغاها
والوا وصايه نهايه بعد مبدانا = قصة عشق فالبداية قد ذكرناها
وزنت قيفان شعري واللحن حزني = نظمتها يوم عيني رشّت امياها
واليا يوم القاف قرّب يحكم اغلاقه = سَرَدْ حروف الهجا من ألفها إلياها
يوم المُعنّا نقا شعره من الهاجس = سته وخمسين بيتٍ هو تنقواها
احب بالشعر اسلي خاطرن ضايق = لاصرت اردد بيوت الشعر واقراها
والبا بحاكي بشعري حبي الفايت = قصة عشق ما أظن القلب ينساها
بعد رحل من عشقته غاب ماشفته = رحل بعد ما حياتي كان يزهاها
والتا توارى حبيبي بعد مازارى = كما نجومن حجبها الغيم واخفاها
تَغيّبت سافرت من عقب ماكانت = في وسط نجد العذيه عُقر سُكناها
والثا ثلاتة سنينٍ مدة الغيبة = ثلاثة اعوام اراقب واتحرّاها
ثلاثة اعوام امنّي نفسي ابشوفه= والعين حلو الكرى ماعاد ينصاها
والجا جفاه الزمان اليوم ماجاني = ماهو تَغَلي لأن الظرف يقواها
جنيت فرقا وخلي جانين فرقا = فارقتها فارقتني بعد لُقياها
والحا حشا ما نسيته لو تباطيته = قلبي وفا ياعرب ياكيف ابنساها
حاولت انسّي فؤادي بس ما فادي = دقات قلبي تجدد دوم ذكراها
والخا خساره ماعاد ادلّ انا داره = يومه رحل من صحاري نجد واقراها
خطير حالي لاشفت الدار مهجوره = اخاف تفضحني عيني ابكثرة ابكاها
والدال دالوب عشقي ياعرب دارا = امسيت ابشوق الغلا واصبحت ابفرقاها
دكّ الفراق الفؤاد وزاد غربالي = مالوم عيننن تبل الكم من ماها
والذال ذبلت ورود العشق وازهوره = من يوم غيبت حبيبي محدن اسقاها
ذَبْلَتْ وجفّت وشانت عقبها صارت = اورود وازهور حزنن غاب حُسناها
والرا رحيله مريرٍ كنّه الحنظل = مرن على كبدي اليومه تمطواها
راحت وقفّت وانا بروح واقفّي = اعيش في دنيتي واتعيش دنياها
والزاي زحمه حياتي بس وحداني = ما شوف غيره عيوني حبه اعماها
زيارة ابغى ازوره مير ما دله = لو نعرف اوطان داره كان زرناها
والسين سكّرت انا دفاتر ايامه = ماهوب نسيان ماغير اتناساها
سجّيت رجلي على دربن يسليني = كود الخلا للجروح اليوم يبراها
والشين شرّفت راس النايف العالي = وغنيت ببيات امحمد قد تغنّاها
شلت بالصوت يامعدّي طرب حوّل= خلّ المراقيب لمعذّب ويرقاها
والصاد صكّات بقعا كنّها جتني = ياكنّها ناويتني من ضحاياها
صويب كنّي بسهمن عقب مادارت = حربن شنيعة بعد ما اقفت رحاياها
والضاد ضاع الفرح ماعاد انا ليبه = ياكنّ الاحزان قهوة واتقواها
ضناني الشوق واتعبني وبهذلني = فرقا ودمعات حزنن ذي جنيناها
والطا طراتي مُناتي شوفت الغالي = وانعيد لحظات حلوة قد قضيناها
طنين صوت الحنين ابداخلي طنّي = طنطٍ وطنطٍ حياتي يوم عنّاها
والظاد ظرفن يفرق غالي وغالي = يحزن قلوب العرب بالبعد يبلاها
ظروفن اتفرق العشاق تحزنهم = ماقسى ظروفن تفرقنا يامقساها
والعين عشرة وسبعه ما مضى من حرف= سبعة عشر حرف حنّا قد سردناها
عقبها مابقى من حرف ابحكيبه = عن حالي اليوم يا وشهي مزاياها
الغين غازيني همّ الطيب سرّاني = وغيري رجالن مثل هالهمّ سرّاها
غديت مابين همّ وبين هوجاسن = رجلي بهمّ المراجل صار ممشاها
والفا فقارى الكرامة مانماشيهم = ما حب رفقة جماعه ذي حلاياها
في خوّة اهل الكرامة صرت انا ساعي= ناسن عزيزة وعز النفس أغناها
والقاف قيفان شعري ناوي اختمها = بالنصح ياكود بالنصح اتحلواها
قصيدةٍ فالبداية قصة العاشق = نختمها بالنصح يومنّا نظمناها
الكاف كل النمايم لاتصدّقها= اسفها لاجتك كنّ محدنّ توحّاها
كب النميمة ومن هو جاك ناقلها = نمّام نفسه تشيل ارداه برداها
واللام ليّاك تاخذ شور من جاهل = ما فاد نفسه يوم ابجهله تبّلاها
لا صرت ناوي تشاور اسئل امجرب = عاش الغرابيل يومنّه تلقّاها
والميم ماكل من يضحك معك صادق = والناس محدنّ ترا يكشف نواياها
ما يكشف النية ألا ربنا العالي = ولّا النوايا جميع الناس تخفاها
والنون ناسن تقفّي عنك مغرورة = احشم كرامتك ليّاك اتوّلاها
ناسن تْحسبَ المراجل بشت وعقالي = نوبٍ يمين المراجل نوب يسراها
والها هبيلن فضيخ القلب وشلكبه = عن خوّة الصنف هذا نفسك انهاها
هاذي ترا ها وصاتي يوم وصيتك = أخذ النصيحه لاصرت اليوم تبغاها
والوا وصايه نهايه بعد مبدانا = قصة عشق فالبداية قد ذكرناها
وزنت قيفان شعري واللحن حزني = نظمتها يوم عيني رشّت امياها
واليا يوم القاف قرّب يحكم اغلاقه = سَرَدْ حروف الهجا من ألفها إلياها
يوم المُعنّا نقا شعره من الهاجس = سته وخمسين بيتٍ هو تنقواها