المساعد الشخصي الرقمي

مشاهدة النسخة كاملة : توكـ صغيرة و ابتديتي تحبين؟؟؟

داعستههم
03-05-2009, 08:55 AM
توّك صغيره وابتديتي تحبين **** من علّمك ليل السهر ياصغيره ؟

بدري عليك العشق يابنت هاللحين**** حرام هذا القلب وشهو مصيره ؟

انتي بريئه في الهوا ليه تشقين ؟**** دروبه طوال ٍ عليك وعسيره

رحتي بدرب ٍ ماله اصلا ً عناوين**** وانتي مشاويرك من اول قصيره

ياطفلة ٍ حبّت وراحت على وين ؟**** عقب الهنا ذقتي الحياه المريره

وينك ووين الحب والشوق والبين ؟**** عنّيتي عيونك وصرتي سهيره

امحق تسلّي كان ودّك تسلّين**** الورد لولا اللّون وشهو عبيره ؟

خلّيتي دروسك وصرتي تحاتين**** الدرس في ديره وصرتي بديره

وصرتي بعد من غير هذا تغارين**** والمشكله يابنت منتي خبيره

نصيحتي لك كان ودّك تردين**** يم السعاده والحياه المثيره

خلّك بجو العايله لا تعدّين**** ماما وبابا والعجوز الضريره

شيبانك اللّي مايبونك تعانين **** من بينهم عشتي كأنـّـك أميره

الحب قبلك هز ناس ٍ كثيرين **** وخلاّ القلوب تعيش هم ٍ وحيره

الحب يفضح لا انكشف داخل العين **** وانتي بنفــّسك ماهقيتك بصيره

طيعي كلامي واحذري لا تمادين **** تراجعي لاعل في الأمر خيره

عيشي الطفوله والبراءه لك سنين **** وبعدين حبّي لا غديتي كبيره



مما أعجبني ...

{ داعستههم .. http://www.lamaraa.com/vb/images/smilies/Recoverd_gif_file(12481).gif
خبير رياضي
03-05-2009, 09:01 AM
حضور رائع داعستهم

اعجبتني كما اعجبتك
ابو شيخه
03-05-2009, 09:10 AM
دعوسه قصيده روعه أعجبني فيها


نصيحتي لك كان ودّك تردين**** يم السعاده والحياه المثيره

خلّك بجو العايله لا تعدّين**** ماما وبابا والعجوز الضريره




دائماً متألقه يالغلا


موفقه
قلب قساه الزمن
03-05-2009, 02:11 PM
.
.



سلمت الايادى يالغلا
اختيار موفقك .. سلم لنا هالذوق
ودام يعطينا الكثير
بانتظار جديدك






.
.
.




لقلبكـ،ـ ود وجنـائـ،ـن ياسمــ،ـين
ღهـيـMـبـة مـلـEـكღ
03-05-2009, 02:22 PM
رائعة عزيزتي داعستهم

انتقاء يدل على احاس شاعري لديك

كل الود لك
دلع طفله
03-06-2009, 04:26 AM
صح لسان شاعرها

وتسسسسسسسسسسسسسسلم ايدج عالنقل

ابيات رووعه

تقبلي مروري
داعستههم
03-07-2009, 03:30 PM
منووووووووووريييييييييين فدييييييتكم ^_^