ألي عنده أبيات خيانه.......

[*اميرة الكون*]

الخيانه

شو الخيانه بالنسبه لك

شو شعورك اذا شخص تعزه خانك

اخ اخت صديق صديق حبيب او حبيبه

اكيد شي مهب سهل

بالعكس هو اصعب شعور ممكن الواحد يحسبه

وكل ما كان الانسان يهمك كل ما كان الجرح اقوى

.................................................. ...






الحينه كل عضو يدش يكتب ابيات شعر، خاطره او
اي كلمه للشخص اللي خانه

[ღهـيـMـبـة مـلـEـكღ]

هذي بعض الابيات والقصائد جمعتها لعنونك خيتي الحبيبة
.................
وطبعاً في الخيانة...

...




بليلة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني
يايمه ليه تركتينــي *** بلا حس يدفينـــي
يايمه هانت دموعـي *** يايمه هانت سنيني
يادنيا وينهـا أمي؟؟ *** ليه يايمه تعافيـني؟؟
أنا ولدك أنا أنتي *** أنا ياكيف تنسيني ؟؟
أنا شسويت يايمه *** أنا شذنبي أنا شفيني
أنا غلطان يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيــني؟؟
ياليتك قبل ما أحيى *** أنابجوفك قتلتينــي
أنا شسويت يايمه *** أنا شذنبي أنا شفيني
يايمه أحلف بربـي *** دعاء منك يحمينـي
يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني
يهون عليك يايمه *** بلا أسم تخلينـــــي
أنا ساره أنا نوره؟؟ *** أنا كيف بتنادينـــي
أحس ببرد يايمه *** أبي صدرك يدفينــي
أحس بخوف يايمه *** أبي قلبك يغطينـــي
أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتينــي
وكنت أسمع صدى *** نوحك يوم أنك ولدتيني
أبد ماهانت دموعك *** يوم أنك بكيتيـــني
يايمه أسألي سجودي *** بأعلى الصوت يدعيني
يايمه أسألي ركوعي = من حالي بيرثينـــي
يايمه أسألك أنتــي = الى يومك تحبينـــي
يهون عليك يايمــه ..*** بثوب العار تكسينــي
يهون عليك هالعالم = لقيط الدار يسمينــي
يايمه سامحك ربـي = يوم أنك شقيتينـــي
يايمه سامحك ربـي = يوم أنك خذلتينـــي
يايمه سامحك ربـي = على مر جرعتينــــي
يايمه أنتي مو أمي = أنا أمي ما تخلينـــي
ياأنتي أيه ياأنتي= أبي تنسي عناويــنـي
وأبي تنسين يــوم = أسود يوم أنك ولدتيني
وكل يومي أنا بدعي = لباس الصبر يكسينــي
وأنا مؤمن برب الكون = خلقني مايخلينــــي
وأنا مؤمن برب الكون = خلقني مايخلينــــي

[ღهـيـMـبـة مـلـEـكღ]

طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

[ღهـيـMـبـة مـلـEـكღ]

((مما قراته واعجبني ))

//

//


أغرس علـى صدر الهوى طعنة ايـديـك
وادفــن غــلاي ومـاضـي الـحـب خـلّــه
,,
كنـت أمس غالـي لكـن الـيـوم ما ابـيـك
مــا أبيك لـــو إنّـــك دوى كـــل عـلّــه
,,
مـا أبيك لـو روحــي تـنـازع وترجـيـك
مــادام فــي حـبـك خـضـوووع ومـذلّــه
,,
أبتركك لـو صـوت الأشواق يدعـيـك
وامحـي الغـلا مـن داخــل القـلـب كـلّـه
,,
واطوي زمـن حبـك وصفحـات ماضيـك
يووم الغـلا ياصـاح مـا أنتب هـلٍ لـه
,,
دور عـلــى غـيــري حـبـيــبٍ يـجـاريــك
يـقـبـل خــطــاك ويـحـتـمـل كــــل زلة
,,
رمــيــت قـلـبــي بـالـعـنــا والتهاليك
وكـرّهـتـنــي بـالــحــب دقّـــــه وجــلّـــه
,,
واسقيتـنـي هـمـك وانأ بــس أداريك
مـــالـلـوفــاء درب ٍ ضـمـيــرك يــدلّــه
,,
بـكّـيـتـنــي والـــيـــوم والله لا بــكّــيـــك
دمـعـك عـلــى فـرقــاي تـبـطـي تـهـلّـه
,,
خـذهـا نصيحة فــي حيـاتـك ووصـيــك
إلاّ حــبــيــبــك لا تــــحــــاول تــــذلّـــــه
,,
قلـي وش اللـي بـس للـغـدر حـاديـك..؟
وسـيـف الخيانة لـيـه كـفّـك تـسـلـه.؟
,,
حـسـبـي عـلـيـك الله عـنــي يـجـازيـك
مــالــك أمـــــان ولا عــهـــودٍ ومــلّـــه
,,

قـصــة غـــرامٍ مـــات سـبّــة تجـنّـيـك
ينقَـش عـلـى صــدر السـحـاب المظلة
,,
تـاهــت مـراكــب حـبـنـا فـــي مـوانـيـك
بـيــديــك مـاخـلـيــت شــــــي بـمـحــلــه
,,
وش لي بنبض القلب لو ضجّ يبكيك ..؟
وأنت أكبـر جــروح العـنـا والمذلة؟؟

//

//

[ღهـيـMـبـة مـلـEـكღ]

يابنـت ماكلـن لـقـى ماتمـنـاه
والحض ماعمره حضر قبل اوانـه
ودعت حبك مابقـى غيـر ذكـراه
حب(ن) تغـذى بالوفـا والامانـه
الشوق والهفه هي اجمـل بدايـاه
والخاتمـه ياخلـق ربـي خيانـه
عزي لقلب(ن)حبك بصـدق عـزاه
حب(ن) عظيم وعاليا(ن)بالمكانـه
انت الوحيد الي اذا غبـت اسـلاه
وانت الذي هليـت دمعـي عشانـه
ًتدري اناالـي بالعطـا مـد يمنـاه
وانا الـذي لجلـك غدابـه زمانـه
سهل(ن)علينا الحب والصعب ننساه
وانا محال ارضى تـرى بالاهانـه
وشلون ابسمح يابشر واطلب ارضاه
كيف التسامـح والخطيـه خيانـه

[«صًآحِبةٌ آلسُموٌٍ»]

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]
ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه ؟
ما ألومك كان قلبـك ثـارت أمواجـه وخـان
الخطا منَّي , لأني صرت فـي بحرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّه حنـان
لو تبوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !
[ عزِّتي ].. ما هي جديده آنا شامخ من زمان
إغسل إيدك من رجوعي وروح , يا إبن اللذينه
طاب خاطر قلبي منِّك وهذي الفرقـى رهـان
حتَّى لو قلبي يحبـك ربِّـي بفراقـك يعينـه
تدري لما قلت أحبك قلت .. وما عندي ضمان
وإختياري كان خاطىء تجربه بالحيـل شينـه
كنت تخطي وكنت أسامح مرَّه / مرتين / وثمان
أدمح الزله عشانك .. وأكتـم أنفـاس الغبينـه
كنت أحبك / كنت أعزك , والغلا فيني جبـان
خاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه
[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه
قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه
// .:. //

أنا القتيل في سمـاء حبــــك
وأنا العاشق اللي محبه قلبــك
أنا إللي حلفتك وبعدها حلفتـلك
ياكبر بغدر المحبة فيني جرحك
قظيت على الروح يامبسط عذرك
عذر أقبح من فعايل ذنبــــك
روح لأعاد تطرى لي محبتـــك
وشلون أثق بك عقب غـــدرك
وأنت قبل تخون خنت ربـــك
لأعاد تطرى أبد على حبــــك
زمانك وانتهى وربي ربـــك
لأعاد قلبي ينبض ولأروح تحبــك
طعنات كل خاين طعنتني بيدك
وشلون من مات قلبه يعود يحبك
//

ودي وعطروردي

[ღهـيـMـبـة مـلـEـكღ]

متى ماجتلك على الكيف اتصلت
ومتى ماودك كذا ماتتصل
ومتى ماطقت براسك زعلت
حتى لو مابه داعي للزعل
واذا بغيت تصرف الوضع انشغلت
وقلت انا اسف ترى عندي شغل
وان سألتك عن بطاك اسبوع قلت
انت تدري والله ضروف العمل
وإذا عارضتك على حق انفعلت
وقمت احس انك من مزوحي تمل
واثر يوم انك تعمد ماسألت
أثر لك احباب عن حبك بدل
شفتني في حسن نياتي غفلت
وقمت تلعب علي حبل وحبل
أنت صاحي ولا يازين انهبلت
تحسبني يوم امشي لك خبل
بس أبي اشوف حدك وش وصل
ولا برجعلك بعد مافيه امل
وأنا اعرف انك على اطماعك حصلت
بس أنا مانيب أجازي بالمثل
بالهدوء اطلع مثل منت بدخلت
انا مثلك عندي ضروف وشغل

[ღهـيـMـبـة مـلـEـكღ]

قبل أبتدي عندي طلب..ركِّزطلب ماهو " رجاء " !
ما أبي تجاوبني .. ولا تستغرب إني أسألك


لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك


لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..قلت لك !


هذي القصيده مصنِّفه في دفتري قصة " رثاء "
حبٍ يموت و تنولد .. وحبٍ يعيش و يقتلك !


ناديت لك ياما .. ولا لبِّيت لي , و ضاع النداء !
مبحوح صوتي والصدى من كثر ما ناديت لك !


أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..


ما كنت لي الداء وأنا ما كنت لـ جروحك " دواء "
..ما عشت في دنياي لي !!عـايش ولكـن عشت " لك " !


علمتك القلب الوفي ..,ما يخذلك فيه " إنتماء " !
وعلمتني كيف العشم في من تحبه .. يخذلك !!


علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !


علمتك إنِّي لك بحر [ مدَّه وجزره ] لك وفاء !
وعلمتني كيف أنصدم و أغرق أنا في ..ساحلك !


ما تستحي ,,
ودامك كذا ؟ - إفعل حبيبي ما تشاء -!
توِّي عرفت إنِّي كثر ما أعْرِفِك ..
كنت أجهلك !


ما كان قلبي بس لك و قلبك لعب دور الدهاء !
وما كنت لك أقرب من أنفاسك وأقرب من هلك ؟!


ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !


لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاء صار لك !


قبل أنتهي عندي - أمر ما هو طلب وإلا-[ رجاء]..
لا يشغلك ماضي إنتهى ..ركِّز علـى " مستقبلك " !

[ღهـيـMـبـة مـلـEـكღ]

ماهقيت إن الغلا يصبح جحـود
ولا دريت إن الخيانة من طباعه
راح عني بعدما أخلف العهود
رجع قلبي المشقي في ضياعه
بعد ما كانت هـداياه الورود
صار يهديني تعاليم النذاله
عملته فيني لو دروا فيها اليهود
لقالوا تحدانا مكـر وبراعـه
ما نفع فيه التوسط والجهود
فيه عن طبع الوفا سد ومناعه
خانني بعد ما عطاني وعود
جنب دروبي وقلب الحب باعه
ماأبيـه ولا تمنيـته يعــود
من يودع مره يكثـر وداعـه
ماأبيـه وكل الخـلق شهـود
لو يجيني يطلب الغفران ساعه
لو يجيني ضيفته عندي صدود
ولو يقول أعاهدك سمع وطاعه
راح وقت العذر والصدة تزود
لين ماتكبر وماتقبل شفاعه
من بدا أول له المره تعـود
ومن يذوق الصد تبقى له مناعه

[ღهـيـMـبـة مـلـEـكღ]

من اقوى قصايد الخيانه اللي مرت علي



لا ردك الله لا ولا اطلب ترديــن ......ادعي عليك بعثرة فـي صلاتـــــــي

عثره تشلك ما بعدها تقوميـن ......يا قاتلتني يوم صرتي حياتــــــــي

خدان لك بالقلب كانت بساتين ......وريضان وغصونا بها يانعاتـــــــي

كنتي مناة القلب والروح والعين ....واليوم عينك يعلها ما تباتـــــــــي

كنت أحسبك للعهد والحب توفين ..قلتي الغدر بالحب ماهي بسواتــي

وحلفتي يمين الله ما منك اثنتين.......وانك ملاك دون كل البناتـــــــــي

وانك على عهد المودة تسيرين ....ولا تسمعين أهل الحسد والوشاتـي

وصار اليمين ستار خلفه توارين .......ورماح غدرك بالخفا مشرعاتـــي

وبان الغدر سم جرى بالشرايين ......الله عسى يسقيك سم الفعاتــــي

كلي سقيتك حب واليوم تنسيـن........تقولين حلم ايام واليوم فاتــــــي

خذتي الهوى لعبه على ما تحبين ......لين عصفت بالهوى عاصفاتـــي

من زينك يا بنت بالشعر تزيين ............ من صورك بابياته الطايلاتـــي

انا من غرامي قلت كانك تذكرين ...... قلت الخجل صاب البدر من مناتـي

وصرتي بشعري في العذاري تباهين........تقولين انا شمس العصر في حلاتي

زينتك بشعري ولا غربك الزين .........ما زانتك صبغات حمر الشفاتــــي

صورتك بالشعر حزام ورياحين .........واثرك هضاب وشوك ما به هداتـي

رسمتك سحابه خير قطر تنفين .........فزت لك الصحراء زهور ونباتـــي

رسمتك مهاه للجميله تقودين ...........واثرك قطيعه وضيعتها الرعاتـي

واثرك غراب يوم سدل الجناحين .........كنت احسب اني شايف لي قطاتي

بالشعر غليتك على كل غاليين ..........واثرك دنيه وتعشقين الدناتـــي

وبالشعر عاتبتك عتاب المحبين ..........انا من يسوم الروح لك يا غناتـي

توسلت لك خايف على حب عامين .........عامين لكن في حسابي مئاتــي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات اصل اخلاقهن دانياتي

غاب الولي عنهن ولعبن بحبلين ...........يا خس واليهن وخس الولاتي

ما همهن في الناس زين ولا شين ..........وقلوبهن من حقدهن مظلماتي

وقلتي وربك لو يكونا ملايين ............ما غيرن بالطباعهن من سماتي

تحسبين انك بالمهافه ترقين .............كيف الصعود يكون للهاوياتي

وخنتي وبعتي كل عهد وايامين ............ما عاد يفرق بين ماضي واتي

وصرتي مثل غيرك برخص تبيعين ..........يا مرخصتني ما بقى لك غلاتي

صبري نفذ واليوم ثارت براكين ...........مظلوم انا وباكر تحل ادعواتي

سمعي عسى من بعدها ما تسمعين ...........سمعي دعا من صار قلبه حصاتي

ادعي عسى من ناضرك ما تشوفين ..........وتطحن بك الايام طحن الرحاتي

وعساك عوق منه ما عاد تبرين ............عوق تشافق له قلوب العداتي

ويالله عسى يحتار فيك المداوين ............تبين الممات ولا يجيك المماتي

ويالله عسى كف الندامه تعضين ............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين ............وان حصل ادعي عساك الشتاتي

يا بلوة اللي وسط بيته تعيشين .............ساهي وحوله شب جمر الغضاتي

عسى بعمرك ساعه ما تهنين .............وتمضي حياتك بين هم وشقاتي

يا بنت قلبي وين مثله تلاقين ..............قلبا عطاك الحب ما قال هاتي

جيتك وروحي شلتها لك بكفين .............وفي التاليه رمح الخيانه جزاتي

يالله عساك النار يا أم وجهين .............كله انكشف لا ما تفيد العباتي

ويالله عسى تلبسك جن وشياطين ............وتكونين مدعاة الحكي والشماتي

يا حية رقطا تقود الثعابيـــن ...........باكر تحن ايامك المعتمـــاتي

وباكر على فعلك بمثله تجازين .............ظلم المشاعر ما تحكمه قضاتي

بيني وبينك تحكم ايام وسنين .............وانا شاهدي قلبا من الغدر ماتي

ويا دمعة التمساح لالا تذرفين .............العيون رغم ادموعها كاذباتي

لا ما عرفتي الحب لا ما تحسين ............وغدرك تعدى غدر ذيب الفلاتي

الذيب يعوي قبل يغدر بمسكين .............وانتي غدرتي خافقي في سباتي

لو كان غدرك في كفوف الموازين ...........لكان رجح كل غــــدر البناتي

انتي السبب سقتي على القلب .............جرحين غدر الغرام وموجع الذكرياتي

وانتي السبب واليوم لالا تلومين ............وان جاك باكر شوفي اشلون يأتي

والله لاكتب وافضحك في دواوين ...........وارقص واغني يوم خبر الوفاتي

وارسم لاهل العشق قلبا وسهمين ............وقصة خيانه ما روتها الرواتي

ويمين لانشر فوق اسمك عناوين ............واشهرك من قاصي اليمن للفراتي

ومن غرب هالدنيا الى قاصي الصين ...........ديوان غـدر فيه كل اللغـــاتي

والبادي اظلم سنة العين بالعين .............والا فذي لا عادتي ولا صفاتي

ويا شبه انسانه برأس ورجلين .............اعوذ بالرحمن منك بصـــلاتي