أبـعَـآد أدبيِةْ للشًآعٍر / سالم السيار

[«صًآحِبةٌ آلسُموٌٍ»]

http://www.7br1.com/uploaded/2_1249114508.jpg








أبـعَـآد أدبيِةْ للشًآعٍر /


http://www.7br1.com/uploaded/2_1260809388.jpg


/. سَآلِم آلسَيارٌ /.






::





:





’’ هذا الطرح تحت مسؤولية.......:300:.......
حِزنٌ آلوُرودٍ...............

[حـــزن الـــــورود]

http://upload.daleelac.com/uploads/464b0875bc.gif (http://upload.daleelac.com/)


بسم الله الرحمن الرحيم
http://upload.daleelac.com/uploads/464b0875bc.gif (http://upload.daleelac.com/)




بسم الله الرحمن الرحيم
السلام عليكم و رحمة الله وبركاته
احبتي في منتدنا الغالي حبرالاحبه




بعد البحث في النت
استطعت انا اجمع لكم هذا القصائد العذبه
لشاعر المتألق ( سالم سيار )
مع مقدمه بسيطه عن الشاعر
،،،،،،،،،،،،،،،





http://upload.daleelac.com/uploads/464b0875bc.gif (http://upload.daleelac.com/)





سالم سيار
شاعر كويتي برز في الساحه الشعريه
و استطاع ان يحرر نفسه وشعره و يصبح مميز عن غيره
أستطاع خلال سنوات الماضيه ان يحتل مرتبه متقدمه بين نجوم الشعر الشعبي
ولكن الامر الذي يحسب للشاعر سالم سيار هو ملامسته لهموم مجتمعه بمختلف
انواعها فتنوعت قصائده الاجتماعيه واخذت طابعآ انسانيآ خالصآ يتسلل بين الناس
فيتذكر الابن العاق والدته فيقبل جبينها , ويتذكر الاخ اخاه فيصالحه ,
ولايزال سالم ينفض الغبار عن الشعر الرتيب الذي يحاصرنا ليخرج من خلال شعره
بريقآ انسانيآ جميلآ تلمسناه فأحسسنا بدفئه وحنانه وصدقه .











http://www.6rb.com/img/singers_image/larg/103531057348019f461b440.jpg

[حـــزن الـــــورود]

::][:: الج رآح ::][::




عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي

جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

تلفت للأمل دام الرجا في عمري الملواح
اناديلك ولو شرهك وصولك تقطع اعصابي

ابيك الجاي من عمري انا مابيك شي وراح
مدامك اجمل واخر مدامك اول احبابي

ابي ارتاح ياعمري انا ادري هم تبي ترتاح
تعال وقبل ما افرح ترا تفرح بك ثيابي

احبك احبك يابعد عمر الحزن والجرح والافراح
احبك احبك كثر ما نامت عيونك داخل اهدابي

[حـــزن الـــــورود]

http://upload.daleelac.com/uploads/464b0875bc.gif (http://upload.daleelac.com/)



يبه شلونك






يبة شلونك ..
أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظلالها وياك..

يبه.. لا تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...
يبه ... لا تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها مات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على الابواب .. اقول يمكن يلملمها باي لعبه من الالعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح لا تكسر غصونه
تجينا ... تجينا.. يعني تجينا على موعد حبايبنا

ابيك تشوف احساسي

ورده بيضاء مغروسه وسط راسي...

وكم نجمه من الابله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...


اآلو

اآلو

عفواً منهو وياي ..؟؟

انا خالد..!!

منهو وياي ...؟؟

تعالوا...


تعالوا ... استلموا الجثه


ابوكم

مات ..!!



مات في حادث

ولي عودة بجديد الشاعر سالم سيار

[حـــزن الـــــورود]

http://farm1.static.flickr.com/154/349575104_2554f1a9b6_m.jpg

أوراق

الليل هم وحزمة جروح وأوراق

وأنا اتناثر بـ آخر الليل وأبقى

ما غير اولّع كل تناهيد الأشواق

واللي بقى من الشوق دمعات حرقى

ما أقول ضاق الصدر لكن إذا ضاق

تنكسر ظلوعي على الروح واشقى

وحدي وعيوني تمتلي وجيه وفراق

كان البكا فرقى ورى دموع فرقى

يا طيب! تاخذني على الناس بعناق

والحين أنا وياك والحزن نبقى

معقول ما مرّوا على بحر الاحداق

ولا شافوا دموعي من الشوق غرقى!

هذا انا من الليل واقف ومشتاق

وهذي كفوفي من الوله دوم عرقى

من ليل واشراقٍ الى ليل واشراق

وارجع..اعيد حكاية الليل وارقى

وارقى انتظر بالليل نجمي اذا فاق

واصاحبه حتى السما تصير زرقا

وابقى وحيد ولا معي غير الأوراق

اكتب جروحي وسط الأوراق وابقى

[حـــزن الـــــورود]

http://www.alhayrh.com/galry/albums/userpics/normal_Rain.jpg





مشغوليـن
لآتنادين بصوتڪ ،
دمڪ ،
مالڪ الا حزنڪ / همڪ ،،
رسمڪ / شمسڪ ،،
ضوءڪ من بعد التغريب / ابنڪ ،،





فورة دمڪ هذي لمين !!
نظرة عينڪ هذي لوين !!
للشعب الـ/ ..مسڪين !





قولي وياي السڪين
شاطر في تقطيع [ الرحمۃ ]
شاطر في تقطيع [ الامّـۃ ]





هذا المشعل ڪل لذاتہ
من اجل انه يطفيے همہ




هذا المغرور الليے يسولف:
لمرايۃ عن شڪلہ ورسمہ



هذا العاشق بس اثنين
ظلہ وذاتہ / ذاتہ وظلہ



نظرة عينك هذي لـ وين !



هذي ماتنادينا حنا !!
فيہا دعاء شموخ جبال
فيہا نور من الـتوحيد
ومن السنۃ دين ونور
فيہا سيوف وخيول ابطال
فيہا من شعر الخنساء
فيہا من حطين النصر
وفيہا ضوء من الافعال



لآ يا أم الشعب المسلم



لاتنادين



حنا دايم دايم عنك
حنا دايم مشغولين



وانتي اسلآمڪ في دمڪ
وحنا غير !!
وحنا الہم الغم الحاضر



طبعا في اثبات المولد
عاده فينا لكل مولود
لڪل مولود نسجل مسلم




اللہ يعينڪ ...
اعذرنا ڪم مرة قلنا لڪ ولآمڪ
مشغوليــن
لاتبحث وتعني نفسڪ
لا خالد وسط اليرموڪ
ولآ ابن الخطاب الآمر



مشغوليــن مشغوليـــن



بـ/ ضوء الشهرة
لما ننقد اي مسلسل
فلم ومسرح
نقد بـ حقد



هذا يعنيے ..
حنا الاجدر بالـتمثيل



مشغولـين
فيے: تصنيع اي قائد وهميے
حتى يجبر فينا ڪسور
وبـ/ تطوير أشعار الامہ
واللذه بڪشف المستور
وبـ/ ڪشف الخاين والوافيے
وبـ/ تطوير الذات نطالع
في سر البسمہ ومعناها
ونمضي وحنا مبتسمين
وبالداخل .. ألوان الزيف
نہتف بالخارج للسيف
نہتف من اجلڪ يـآ .. ڪرسيے
يحيا الڪرسيے ،، يحيا الڪرسيے



مخدوعين مخدوعيــن



لآزلنا نصدر للعالم
معنى كلمہ [ مخدوعين ]



مشغولين مشغولين
بالتصويت : لاسخف برنامج يسرقنا
منا لـ ڪرش المسؤولين



في تثقيف انثى موهومہ
مايہمنا شڪلڪ يابنت
حنا نبحث عن / مضمون
يلآ غني عـ الدراجہ
ويزيد المنتج بانتاجہ
وانتي لازلتيے محتاجہ
ياطفلہ شهرة وهاجہ !



مشغولين مشغولين
عن احدث تطوير لـ نوڪيا
عن ناخذ ما نقدر نعطيے



مانشبع فيے اڪل الميت
فيے تجريح اعراض الناس
بـ/ الغيبہ
في شتم الاخر
في ڪشف المستور
ونعجز انا نغطيے كل مڪشوف



مشغولين مخدوعين



يڪفيے هذا الحزن النايم
عندڪ حسنہ
ذڪرنيے بـ هاجر يا أحمد
ان اللہ مايضيع مسلم



احضن امڪ وسط عيونڪ
وزمزم دمعڪ وسط جفونڪ
بڪرا تقوم الدنيا عندڪ
وتصير الدنيا [إسـلام]



بس الحين ...
ارجوڪ اعذرنا
لا انت منا ولآ حنا ياخيے من همڪ
ياخيے والله مخدوعين
والله والله مخدوعين
والله والله مخدوعين

[حـــزن الـــــورود]

مساكم وصباحكم ورد

رائعهـ اخرى ـا منـ روائعـ سالم سيار

http://salemsayar.com/ram/srab.ram (http://salemsayar.com/ram/srab.ram)



http://mostafasaid82.jeeran.com/%D9%81%D8%B1%D8%A7%D9%82%202.jpg

السراب
ألو منهو
أنا نوره
أنا مشتاق أسولف لك
حديث الضوء
توضأ وظل
يصلي بفوضة عيونك
أنا كلي علامات وأمل كل ما علا.. مات
ونزل بالدفتر الأسود
وسموات الحبر أحمر
تمطر بالوريد غبار
دخيلك معطف جنونك أنا أقصد
جيت لك أنزف هموم ٍ:
طاحت بصدري يا ثقلي ...
بعد وجه الفرح ما راح
بعد نط الحبل ما بين:
بداياتي ونهاياتي
سمعتك وأنفتق غيم الأغاني من شراييني
مطر هاتي جفافك أرتمي في وحشة ترابك
أبضربني بقاعك لين أفز عبره وشميني
أغاني وبسمة ٍتشبه هلا من عطور ترحابك
بعد هذا أبثمر لك غيوم ٍولو قطفتيني
من الماء كان يتوضأ حنينه بضحكة إعجابك
يا ممزوجه بطيب ورحمة ٍمن وين جيتيني
أو إني من دخل يشعل حنينك من ورى أبوابك
تعالي صج قبل لـ أنسي مدام إنتي عرفتيني
أنا ودي أصب روحي في جوفك ثم أنا أحيابك
أنا صوتك إذا رشني
أتعطر
وأنا أتحول
إلى باقة زهور
وكم أنا أتمنى أموت
براحة عيونك أنا شفتك وشفت الرمش
سجد باكي على خدودك
تيممت بحزن قلبي
وقلت إني/ أكون أكفر
بشر لو يوم
أفكر أنقض عيونك

ألو.. أنا أحبابك
أنا وجه الصباح اللي يطفي ظلمة عتابك
أنا قهوتك المره
وعصافيرك
تاطا.. على متون
الغبار الساذج الغافي
على رعشات شباكك
أنا ضو فرحي بدارك
دخل يطفي
برادك من ثقب بابك
كلامك والله البارح
طعن صدر الكآبة وصب
لون الشوق في داري
أنا مثلك..ابوس بذر الليالي
اللي تلقح فيه مشواري
أنا بنت ٍملامحها
هي تشبه قطعة جداري
وألوان الكراريس.. وخوف مزق الدفتر
من صرخات اخواني
تصدق من فتحت النوم
غلاك اللي طرق بابه..
ورحت أركض
أسكر كل شبابيكي
موخفت
الكلام يطير يطير..
وتبعد أسرابه أخاف
أمي تشم جلدي كلامك
سيل بوسط الحشا
وفاحت بي أطيابه
اخاف يدرون
وقوانين العرب لو يوم
تحس في قلب ..
عاشق ودافي
على برد الجدار يصلب
إلين يموت أحبابه

ألو منهو
أنا حصه أنا مشتاق
أسولف لك حديث
الضو توضا وظل
يصلي بفوضة عيونك


اتمنى ـا ترقى ـا لذائقتكم ,,

[حـــزن الـــــورود]

http://ayah227.googlepages.com/16722_01208027663.jpg

قصيـــــده ::|||:: ليــــــه ::|||::



ليــه..؟؟!!
هذا هو اللي تبيه..اني ارحل من حياتك..
واشعل عيوني بـ ليه..!
بس خلاص..!!
هذا هو اللي قدرته وقدرك ربي عليه...؟
بذمتك هذا كلام ..؟
اني ارجع من جديد ..
ارجع افرش كل تعب عمري وانام..
زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..!!
قول..قول..
قول قول الله يخرب بيت بيتك.!
توني يادوبي بديت ..بعت عمري واشتريتك..
خطوه ..خطوه...واشتريتك
توني باطراف البدايه!
مدري وشلون انتهيت..
ياأخي حسّ ..والله عيب إللي تبيه..
إني ارحل من حياتك وأشعل عيوني بـ ليه..
لا جبينك شمس واحساسك مطر..
لاعيونك شوق وشعورك دفا..
جبت لك بإيدي ابتسامات العمر ..
ليه تكسرها على اطراف الشفا...
شوف.. شوف بعثرني احتياجي بالنظر..
شوف وجهي إمتلا منك بـ أفا ..!!
ما تجي منك ولكن يابشر:
منت اول من طعني بالجفا..
إبركتهن كل جروحي بالسهر..
ولا افكر من ورا قلبك شفا..
ولّ ياقلبك ما يجيب الا القهر ..
ولّ ياعمرك ماعرف طعم الوفا..
وإلا انا مثل النهر ابقى نهر..
من تحوسه ..ترجع تشوفه صفا..
فيني والله احساس لامنه ظهر..
يشعل ضلوعك اذا قلبك طغا..
هذا هو اللي تبيه ..؟ وهذا هو اللي قدرته؟؟
وقدرك ربي عليه ..بذمتك هذا كلام ..؟
اني ارجع من جديد..
ارجع افرش كل تعب عمري وانام..!!
وين اروح....؟!
شلون اجيب لقلبي المجروح روح !
هذا هو اللي تبيه.

[حـــزن الـــــورود]

http://www.shoqqtr.com/up/images/7yuk5hl2jbm2jow5xadk.jpg
عساك بخير..

وش اول واخر جروحك..

وش اخر واول فراقي..

يقولوا من المسا تلملم بقايا نبرتي وتروح..

على اول ذكرى بالشارع..

نسينا كل سوالفنا عليه و كل مواجعنا..

وصرنا فيه ندورنا..

ندور من ملامحنا ملامحنا..

تشتتنا تشردنا..

الين انا ندور في وجيه الناس..

تصور..

ولا قطره بوجيه الناس تشبهنا وتشربنا..

وارد ضاميك..

وبعد مثلي ترد ضامي..

واقول ان المسا كاسك..

واصب عيوني لإحساسك..

وانا اتكسر..

مع كل اغنيه تفتح هدبها والمح عيونك..

يا عون الله تلاقينا..

تصور..

بأغانينا تلاقنيا..

عساك بخير..

وش أول واخر جروحك؟؟

وش آخر وأول فراقي؟؟

يقولوا من المسا تلملم بقايا قمرتي وتموت..

نسيت أسأل ؟؟

صحيح تمووت ؟؟؟!

[حـــزن الـــــورود]

http://up.g4z4.com/uploads/aa03f11c53.jpg




http://up.g4z4.com/uploads/7ba6b86b95.jpg






مجموعه قصائد من ديوان الزبرجد للشاعـر سالم سيار
اتمنى تعجبكم ^_^



/



http://up.g4z4.com/uploads/04d26daff9.jpg





اذا هالقلب ماينبض معاليقه على الميعاد
أنا وشلون روحي في دروب المجد أصعدها
مشيت ولا معاي ألا جروح ٍ بالدروب جداد
ومعايه شيمة ٍ ترقى على ظلوعي تهودها
صحيح الروح مكسوره ولاتقوى تشيل شداد
ولافكرت أحط روحي عى روح ٍ تسندها
رقيت جروح وخليت الصبر فوق الجروح ضماد
أنا لاقلت أضمدها أنا أعرف كيف أضمدها
تثور الخيل من قلبي وأقول ان الهقاوي جياد
وأشوف القلب من دم الجدود يفور يلكدها
يا أما موت من سيف الشعر يحييني للميلاد
يا أما النفس في صمت الشعور تموت وأغمدها
أنا البارح يناديني النعاس ولا يجيني رقاد
سهرت أنوم القمرى على عيوني وأقعدها
من بلاد ٍ قلايدها النجم في جيدها وقاد
وعرفت أن السما تلبس من بلادي قلايدها
وضوى هذا السهر يمشي على هذا الجفن بركاد
يموجني الغلا ويطيح من جفني على يدها
وأشوف الليل يترامى تحت عمري ويصير رماد
وأشوف الضوء يغتال الظلام اللي يسودها
هي الفضه من اللولو على هذا الفضا تزداد
أم أن هذي الرمال اللي ولدتها من زبرجدها
وكاد انها ضوت عمر القصيد ورحلت القصاد
وأجيب أقمار من دمي على فمي وتقصدها
وأصب النبض في قلب البلاد وينبض الأنشاد
ويطيب القلب ويتنفس شعوري من قصايدها
يوديني غلاها وجيت من أقصى الغلا وراد
عليها وجيت أخذها علي ورحت أوردها
أحبك ياعطر عمري وطلعة عمري بالأعياد
أنا همت أكسر ظلوعي في عيدك جيت موقدها
وأقول العيد فيك بخير لأنك خير كل بلاد
وأجيب أيام خير سنين عيدي وفيك أعايدها
لأنك دنية الدنيا ومنك ترتوي الأوراد
لأنك أرض كل الأرض ولا غيرك يوردها
وحتى الغيمه من تلمح يدينك تحضن الرعاد
تبي تنزل عليك من الوله تروي تنهدها
ألا يادار يابنت الهقاوي وهقوة الأجداد
ألا يابنت من روحه فدى عيونك يبددها
عفيفه لاقعد وجه الفجر من خشية العباد
يطيح الليل لارتفعت بذكر الله مساجدها
هي الرفعه من شموخ السجود وجبهة السجاد
أبوها لو يسجدها لوجه الله سجدها
يرتبها الفجر في فوضة طيوره ويبكي بعاد
ويتنهد على شمس ٍ تجي من أصبع تشهدها
وتفوح الشمس أذا قلب المدارس يحضن الأولاد
وبنت ٍ ترمي تلويحة وداع بعين والدها
صباح الشمس يا أرض العزاوي وعزوة الأسياد
صباح الأرض يانور الصلاه بروح ساجدها
يهيلها الكرم من صدر أهلها طيبين أجواد
يشبون الهلا للي يمر والطيب يوقدها
تشوف العز بعيون النشامى يلتفت هداد
شلع لارفرفت كلمة (كفو) يطلع ويظهدها
ألا يادار يابنت الهقاوي وهقوة الأجداد
ألا يابنت من روحه فدى عيونك يبددها
عزيزه حره ماترضى تلامس يدها الأصفاد
تحط الموت في روح الكفوف اللي تقيدها
عنيده لاركبت راس الحرايب تلتهب بعناد
تمر مثل الحرايق في هشيم الحرب ترمدها
أصيله مضمره بالمجد تقود المجد ما تنقاد
تمر مثل الوميض ولا قدرت عيني تجودها
مثل ما مرت وشبت عيوني بداخل الميعاد
انا قلت أشعل ظلوعي من عيوني وأعايدها



رابط الحفظ (http://www.salemsayar.com/site/d-alzbrjd/alzbrjd.mp3)






http://up.g4z4.com/uploads/0f45bcebf8.jpg





عسى مازعلتك البارح وزودت الجراح جراح
عسى ما مرت الدمعه على اهدابك من اسبابي
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعوور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق اوشاح
حرام الدمع في عيني مناديله هي اهدابي
غيابك يشغل عيون الزوايا ويمتلي اشباح
وانا انثر صوتك بقلب المكان واشعل ابوابي
تلفت للامل دام الرجاء في عمري يلواح
اناديلك ولو شرهت وصولك تقطع اعصابي
ابيك الجاي من عمري انا ما ابيك شي وراح
ما دامك اجمل واخر ما دامك اول احبابي
ابي ارتاح يا عمري انا ادري هم تبي ترتاح
تعال وقبل ما افرح ترى تفرحبك ثيابي
احبـــــك احبــــــك
يا بعد عمر الحزن والجرح والافراح
احبــــــك احبـــــك
كثر ما نامت عيونك داخل اهدابي


رابط الحفظ (http://www.salemsayar.com/site/d-alzbrjd/aljera7.mp3)




http://up.g4z4.com/uploads/4d912e0143.jpg





و معقوله تجي منك وترميني لاي انسان
يلملمني ولا يلقى بعيوني غير دمعاتي
انا ماصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتاء ياوليدي وانت بداخلي دفيان
تحملت الاسى والظيم عشانك يابعد ذاتي
وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي
انا امك ياهيــــــــــه امك حملتك والعذاب الوان
ولدتك والالم سكين يركز داخل لهاتي
وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي
ومهدتك فعين وعين يشرب حزنها القران
وهزيتك وكان النور يتهزهز من دعاتي
اضمك في يديني لاتجي وتقول انا بردان
تركت البرد لضلوعي رح انشد رعشة شفاتي
وزولك من ركض فيني لمست بداخلي اوطان
وتركتك تبني بمجدك على كتف انكساراتي
وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي
كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي
اسولف للبشر عنك اقول ولا به اي نقصان
رضع عز الشهامه شب طموحه في معاناتي
وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي
يقولون الولد هو خان اقول وليدي لا ماخان
وهم يدرون ماغطى منامي غير وناتي
افاااا وشلون تتركني يكحلني عمى النسيان
وانت ادري فيوم الحشر جنه تحت خطواتي
لك الله مانطق صوتي لك الا بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
ويرمونك مثل امك وتذكر حلم شيباتي


رابط الحفظ (http://www.salemsayar.com/site/d-alzbrjd/om.mp3)




http://up.g4z4.com/uploads/5eebffad60.jpg





ماتصير الناس ناس .. لارحل عنها الضمير
ماتصير الناس ناس.. لاطغى فيها الكبير
الوهم يكبر ونكبر.. داخل الأوهام هم
الألم يكبر ونكبر .. داخل الألام غم
"لـــــــــيـــــــــــــــه"
ليه كل كف جبرتنا.. لملمتنا وكسرت
ليه كل كف حضنتنا .. شتتنا ورحلت
يعني هي هذي الحياة ؟؟!!! وإلا يعني هذا حنا
لا رحل عنا الضمير نهدي الأيام آآآآآآآآآه
من هدم نفسه بنفسه .. مابنى عمره صحيح
"والضعيف من النفوس ".. يهدي عمره لأي ريح
لاتتلفت .. لاتنادي ..
لابشر حولك ولاحولك مبادئ
لك مصير من المصير
ولك جروح من الجروح
ولك حياة من الحياة
ومن نصيب الآآآآآه آآآآآآه


رابط الحفظ (http://www.salemsayar.com/site/d-alzbrjd/ya-bshr.mp3)




http://up.g4z4.com/uploads/bc520d096e.jpg





تلفي وتسأل ذهابي
وتقولي كم
كم الساعه ..؟؟
إذا ياعمري أشتقتي لصوتي وهزك الطاير
تطيح الدمعه من عينك .. تطيح او لا ..!
مو صح مثلي تطيح الدمعه من عينك إذا اشتقتي لصوتي وهزك الطاري ..؟
مو صح مثلي
مو صح مثلي
مو صح مثلي
مو بس اوله عليك وبس
معي حتى الوله يوله
اخذتي ضحكتي وعمري
بيديك وغبتي عن عيني
وعليّ طول غيابك
كم الساعه
او تدرين
كم إنتي ..؟!!
كم إنتي دامني احسب عيونك واكسر الساعه ..؟!!


رابط الحفظ (http://www.salemsayar.com/site/d-alzbrjd/alsa3h.mp3)



http://up.g4z4.com/uploads/1d70158c20.jpg





مسافرين كلنا
اي والله انا كلنا مسافرين
الموت ميناء
ايامنا ميناء
وبحرها المقبرة
بحر من عظام وكسور
نرسى وترسى حمولنا
وابحار للقبر الحزين
بأمواج كف أحبابنا
سفينة الموت الحزين
تابوت
نترك سيول العاطفة
تجرح مواطى النظر كل ما ذكرتنا دور
نترك سواد أيامنا للمغفرة والنور
نترك مووايل الحزن تطحن بنا وتدور
يمكن نستنا أشجار ويمكن بكتنا دور
يمكن و يمكن و يمكن
ما تنفعك * يمكن *
لا صرت وسط قبور
لا صارت الدنيا أهل
وأحباب فوقك بالسما !!
وأنت بقبر
وأغلى عزيزنك وفا
يملون عينك بالتراب !!
ما تعتبر
يا ويلنا يا ويلنا اذا التئم عظامنا
يا ويلنا يا ويلنا اذا اطفحت أعمالنا
من فينا مات ونيته باطلة
ومن فينا مات ونيته طاهرة
ياويلنا يا ويلنا
من شقق ثياب الحلم
من لبس الطفلة وهم
منهو نسى طفله يموت
وسط الحياة القاسية
منهو جعل سفن الذنوب
داخل ظلوعهراسية
مسافرين كلنا اي والله
انا كلنا مسافرين
على الأخوة المسافرين
على الرحلة رقم
واحد ورى واحد ورى واحد ورى واحد
الرجاء ربط النزاوى المرهبة
وفك اللسان بالأدعية


رابط الحفظ (http://www.salemsayar.com/site/d-alzbrjd/albrz5.mp3)




http://up.g4z4.com/uploads/81c4e88508.jpg





لملمت إحساسك
عيونك ( و ) قلبك ..!
خ ـــــــلاص
بتسافر ..؟؟!
زين إلتفت لحظـه
عطني جروحك بس
خليها تسليني
بـ غ ــيابك الكافر ..!وإخذ النظر مني
وخبه مع أشيائك ..!!
ماأبي أشوف الناس
وشلون أشوف الناس
وشوفي مــ ع ــك
ساااااافر ...؟؟!!


رابط الحفظ (http://www.salemsayar.com/site/d-alzbrjd/btsafr.mp3)




http://up.g4z4.com/uploads/c657a538b5.jpg





تضحك تظن الحزن أنك دفنتـه..؟
أخفيت حزنك صح لكنـه بانـك..
ظنـك طعنك العمـر / والله طعنتـه..
من قبل يكونك موت كونت كانك..
ساكنك جـوع وجوع غيرك سكنته
[ماعشت نفسك يوم مره عشانـك]
الطيب صنته لكن البخـل خنتـه
ماصنت نفسك لكن الطيب صانك
تبي الصراحه كل هالكون عنتـه
اسمك يسافر فيه وأنـت بمكانـك
ماتنعوج بأنذال والطيـب صنتـه
لو تنعوج بأنـذال عـدلك شانـك
لاماسجنك الطيب والله سجنتـه
أطلعت كفك قبل يطلـع لسانـك
طيبك و صنته..أعرفك كيف صنته
أن خان كفك قالوا الطيب خانـك


رابط الحفظ (http://www.salemsayar.com/site/d-alzbrjd/al6eb.mp3)




http://up.g4z4.com/uploads/67ddc5c0b5.jpg





تجيني طيف ياعمري على جنحان شوقي لك
أخاف أرمش من عيوني و بعثر جيت وصالك
حبيبي لا تجيني قول وين أنت و أنا أجيلك
أبيك تقول وين أنت و على عيوني أنا أسعى لك
وربي فوق روس الشوك لخلي القلب يمشي لك
و أخلي ظلالي يسبقني قبل يحضني منزالك
ثواني بس أبتهندم من عيونك وبهدي لك
في عينك ضحك حتى تكحل عين عذالك
يقول الناس بغيابي يشب القلب و يضوي لك
حنين و من وهج شوقه يميل القلب لا مالك
قضى دمعي من عيوني أبي من عينك أبكي لك
أبنثر من ورى عيوني دموع عيون ترحالك
تعبت أهرب من الأشيا البسيطه من تفاصيلك
تعبت أسل زوايا البيت عن أول و اخر احوالك
وحتى الشوق من صبح الدرايش قام يهديلك
عصافير الرضى ترفرف على بيبان مدخالك
هنا ترمي صباح الخير قبل لا تروح و دعيلك
و هنا تضوي مساء الخير في عيني من هذالك
أنا من الليل يقطفني شعوري لك و غني لك
أنا من الصبح يليلني الحزن من لون موالك
حرام الليل ماهو ليل أذا ماكنت في ليليك
و حرام الصبح ماهو صبح أذا ماكنت في ظلالك
تروح وقلت أحط روحي على كفي و أنادي لك
نزعت العمر من شفت الغلا بالروح نادى لك
بربك قول وش سوى الفراق بوجه منديلك
تسيل ألوان طيفي فيه إلى من البكى سالك
حبيبي لا يبكيك الفراق و لا يهد حيلك
أخاف الدمع من عينك يجفف صورتي ببالك
تعال أحتاج أسولف لك عن الأيام و أشكي لك
و فض غيم الحزن و أنثر حنين الشوق بقبالك
تعال وحط في قلبي هموم الفرقى و أشيلك
لان القلب ماهو قلب أذا في نبضه ما شالك
وقف دمعي من عيوني أبي من عينك أبكي لك
أخاف أبكي من عيوني و بعثر جيت وصالك


رابط الحفظ (http://www.salemsayar.com/site/d-alzbrjd/al6ef.mp3)




http://up.g4z4.com/uploads/d75d211965.jpg





نعم بالضبط ..
مثل ماكنت انا أتوقع..
علي صرتــي!!
قلبتـي صفحـة الجرح الاخيـر!!
وانتهى عمري.....
فتحتي ستارة الاحساس..
ومثلتي ...!!وابدعتي..!!
وشعوري كان لك جمهور
واستدلتي الستار
بدمع من عيني
وطفت عيني
وقبل لا تمشين
صفقتي
...... صفقتي
.......... صفقتي


رابط الحفظ (http://www.salemsayar.com/site/d-alzbrjd/msr7-al3yon.mp3)





http://up.g4z4.com/uploads/ab5c5cac86.jpg





وشفتي شلون
ضيعتي...
الهوى من ايديج يابنيه
ومن عمري يضيع اليوم
ويضيع اليوم من عمرج
أمانه .. لا يموت الحب
وروح.. اشواقنا حيه
سكتي ليه ماتبدين
تحجي .. قولي وش عذرج
عشان الحب يجي أعظم
او اكبر منج اشويه
او انج انتي ماتدرين
بان الحب يجي كبرج
أخذتي كل تفاصيلك ورحتي ليه..؟؟!!
طيب كان قلتي لي قبل لاأحبك
أحبك
عطيتيني الفراق..
وكان ظنك اني مفــارق
بفارق يابعد عمري
ولكن داخل فراقك !!
تعالي يابعد عمري علي كنتي او ليا
عساني احترق واهدي بخوري كله لذكرك
مو صح ..
ودج تجيني بس غرورج يرفض الجيه
انا ادري ..
انا ادري عني تنشغلي ..
وفيني ينشغل فكرج ..


رابط الحفظ (http://www.salemsayar.com/site/d-alzbrjd/alshoq.mp3)




http://up.g4z4.com/uploads/aa03f11c53.jpg





تنام و يوقظك صدرك يغني ناااام نااام ناام
تنام و يوقظك صدرك
على عمرك يمر الحلم وتتشقق بك جفونك
وتفيض ا بك الوجيه (بلا) ويرفرف فيك كراسك
(وتتخشب) لأحلام السنين ورغبة ظنونك
و(تتكبرت) بك أطرافك تحكك.. يشتعل راسك
اخذ منك من جرحك دم بلادك
وخضب كفها أشعارك
تعيش ==>> تموت أشعارك
تموت ==>> تعيش أشعارك
تكسر وسط شريانك
وتنــاثر داخــل بنيــه ومتخضبه من أشعارك
تحاول توصل شروقك وتتعــثر مــن ظــلالك
وتدفعــك بدعاويــها توصــي تتبع بــلادك
تقولك لااااا بلادك تتبعك دامك
إلى نـور توصلها
و تتبخر و تصــب نفســك عـلــى بـــــلادك
تعلم تحمس رجالك قبل لاتصافح دلالك
قبل لاتشرق بحثل الوجيه المعفنهياخوك
وتتعلم تعلم تمييييييل يعدلك شانك
اصحى تنام وقلب يصحى بك
تنفي وجيه وتنفي داخل البال
فيك يتمرّغ طيب يطفي عفنها
مزتك عبره ومتلى فيك موال
ودها تكنك .. تكفا ياخوك كنها
كسرت روحك تبني لغيرك ظلال
بك خانت الأرواح يا حسين صنها
يا حسين مايشكي من الوقت رجال
أنا أعرف أرجالٍ شكى الوقت منها
النفس مهره وموتها طرد الأهوال
أبلا رسن تطرد وغيرك رسنها
ريحت فعلك وأركضت فيك الأقوال
لو أطعنتك الناس فعلك طعنها
متأقلمٍ بالوقت ياخوك الأنذال
والأ الأصايل أشهد أنه كفنها
لو لـ النوايه وجيه يا طيب الفال
تيقن جميع الناس ويموت ظنها
أزوال مرينا ........ومرتبنا أزوال
لا ثمنتنا .....ولا عرفنا ثمنهااااااا
مر الزمان وشفت أنا ألوان و أشكال
بالوقت شفت الناس تلعن زمنها
وشلون عاقل يحسبك أنت رجال
ونفسك بها مليون فارس سكنها
قصيدي وان سجا يقعد نعاسي بأول أنشاده
ألين أشرب تناهيد المساجد ثم أقعدها
صباح البنت لا شعشع فضاها من سنا قلاده
صباح النبت لا مالت شموس وهب ناهدها
يروح الشاعر لقبر القصيده بروح ميلاده
ويدفن روحه في قبر القصيده ثم يولدها
وتتنفس هوى الحبر الطهور وتنفث أبعاده
ويقطع من حزن موته مزن صوته يمهدها
يهزهزها على جرح الصهيل وترمح أعناده
ويشعل هقوة ٍ تنثر جمر في كبد ناقدها
تمز الروح وتكن الولد في قهوة أجداده
تصبه طيب لاعاث النذل بدلال قاصدها
فضاها حمحم الهيل العتيق بدلة أجواده
ظماها تمتم الشيح العتيق بظل جاحدها
تجي أرحم من الدمعه بنفس الوقت جلاده
تجي بأجهادي مطواعه تجي مطواعه وأجهدها
تجي دموع ٍ من عيون الصلاه بروح سجاده
تجي عيون ٍ من دموع الصلاه بروح ساجدها
مثل طفل ٍ يحب أمه تحت تكبيرة أعياده
تفوح أمه رضا لا شب حنينه من يعايدها
مثل قرم أستظل بدلته والشمس وقاده
ويغمس كل فناجيله في صدر الشمس يوقدها
عليها الله إذا شافت صدور الأرض نهاده
تصب الأرض في فم السما تروي تنهدها
تطق الغيمه لو حتى المطر ماطق ميعاده
تطق وينثر أطفال المطر سكين راعدها
شريت النفس أنا أدري هم يجون أكثار زهاده
ونفسي لوتبيني أشري لها والله لجلدها
عبدت الله من شفت الدينار وشفت عباده
عبدت الله من شفت الحريم وشفت عابدها
عبدت الله من شفت الأصيل إن خان بجواده
عبدت الله من شفت الحياه تدوس سيدها
ياحزينه جيت أشحذ بالمدينه
في عيوني للنوافذ من يخمرها مسى
حتى يخبزها صباح فارد عيوني عسى
ألقى نكهه للجراح دحرجتني الشمس حتي
شافو أحزاني غروب وأخمدو كل النوافذ
وأفتح لحزني دروب حتى أوطا وجه باكر
وأتدحرج للغروب
ياحزينه
كيف أحاور هالمدينه هي تحاورني بموتي
إني أكسر ما بصوتي أولا كسر الرجوله
ثانيا كسر اللي أقوله
ثالثا آآآآه ياللعين إني أِشكك باليقين
رابعا علمي بها يوم لها قلت تهبى
هي تبي تعطي الحياه لكن بأطباق صوتي
مايكسر ما بصوتي إلا موتي
............................. إلا موتي
.................................. إلا موتي
كل الأشياء بي تسافر ما تهاجر
الربابه والذيابه والفيافي اللي قطعها صوت جدي
والقرابه والصهيل اللي يغمسني
في عتابه والرحيل وقرقعة صوت الرحيل
من تهاجر عن حناجرهم سحابه
والنفل ويا الخزامى والصقور
والحريم اللي لبست جلد النمور
والأناشيد بنجر لاغسلت وجه الفجر
(والرعوجي والعواجي)
والبشوت ومجلس ٍ فيه ((محروت))
كل الأشياء بي تسافر
ما تهاجر
......... ما تهاجر
............... ما تهاجر
ياحزينه بالمدينه كل روح ٍبي تنام
توقظ بصدري سهام رغم أني لي قلب ٍ
كل مارفرف خصام يورق ظلوعه سلام
شاعر وتنبض خلوته طهر وصلوات وعباد
ماقد تميع حشمة ٍ للي هدته قيادها
شامخ وربي مانفتح صدره لك إلا يالجياد
وماخلقت كفوف ٍ تدق في ظله عفن اوتادها
من لابة ٍ هي نارها تزفر ولا تنجب رماد
وشلون تطفي ياخبل لابه حطبها حفادها!!
غبت أتشرد بالورق أبني من جروحي بلاد
مثل العزاوي لاحرقت دم لهقاوي جدادها
في ناس تمشي بيننا فقر ودقايقها جهاد
أف من شعور ٍ مافتح عينه وشاف جهادها
وفي ناس نور وجيهها هو سر طاقتها السواد
بالوجه نور وبالصدر جثه عتقنا حدادها
وفي ناس نور وجيهها من الرحم حتى المهاد
ماترضع الظلم العفن لو الدهر جلادها
أشوف من فينا عثر ويقول اهي كبوة جواد!!
ابك الأصايل ما كبت إلا برداة أسيادها
لو الأوادم مثله ومتعاند باسم العناد
كان القبايل ما سقت رحمه بصدر أحفادها
أشعل قصيده بالمسى وأشم خيانات العباد
وأطفيها في جوع النسى وأبكي على أولادها
تنام ويوقظك صدرك
يغني نااام
........... نااام
............... نااام

[حـــزن الـــــورود]

http://img32.picoodle.com/img/img32/3/11/4/f_22208111805m_7333c14.jpg


أقول وينك ؟ ولا القى غير وينك في سكوتي وصال
سؤالي.. غيب شموس الوله حتى انمحى ظلي

ياليت القى عذر حتى ولو هذا العذر دجال
عشان اقدر اطمن مابقى من مابقى بكلي

غيابك يزرع عيون البكا في ضيقة الموال
و ينبت في طرف صوتي سؤال يقول انا من لي

تروح وانطوي كلي مع الذكرى وسط هالبال
توديني التفاصيل الشقيه لك وترجع لي

واقول الحال من بعدك ترى والله ماهي حال
انا الكايد ولكني غديت الحين ياسهلي

انا هذا الطريق المتعب المرهق من الترحال
تعبت ابحث على راحه تمد كفوفها لحملي

سفر هذا الطريق اللي قطع عمري من الاهوال
خلصت ولا خلص هذا الطريق اللي كسر رجلي

اقول لنفسي من تكثر جروحي حل ياحلال
احل ولاحسبت اني ادور حل في حلي

امر الناس في نهر النوايا وضحكة الاطفال
واصب كل النوايا البيض على من يستفز غلي

عجزت استقبل الكره الملون من ورى الاشكال
عجزت ازعل ولو مره ولو بس مره من اجلي

اعيش بعقل واهديت المحبه للبشر بهبال
واشوف ولا بقى حيي ٍ يعيش الحين في عقلي

بقيت انت وبقى ضو الكلام بداخلي لازال..
ينادي يرتعش بأقصى عيوني يقول ياخلي

تعال ارسم على شمس السنين الحارقات ظلال
تعال اجمع بقاياي الجريحه وردها لأصلي

انا ويني اذا راحت عيونك وانتهت أمال
انا ويني ومن غيرك يشيل همومي../ بس قلي

اقول وينك.؟ ويتشظى صدى صوتي بوادي البال
يمر بين التفاصيل الحزينه ويختفي ظلي


سالمــ سيــار

[حـــزن الـــــورود]

http://www.la7n-kh.com/4images/data/media/4/ham%20(22).gif



ممكنه






وقف ولا ترمي وداعك بالاعيان
محتاج أنا لذرة امل في سنيني

هذي تفاصيل العمر وسط الاجفان
صور واماكن في عيوني تجيني

والله من تطري وسط عمر الاحزان
كل الفرح من لون وجهك يجيني

مثل المطر يركض على الارض ولهان
هذا انت دايم بالوله محتويني

يكبر غيابك لو كبر وسط الاشجان
يكبر معه في شوق عمري حنيني

الماي في قلبي من الشوق كثران
صبيت دمعي وشفت قلبك بيديني

قلت احضنه في وسط يديني على شان
مايلمس أطرافه حزن من ونيني

حتى ولو اخترت فرقاك عنوان
يكفي بيديني قلب عمرك يبيني

ماهي حكاية انت رابح وخسران
او هي حكاية يابيك وتبيني

المسأله روحين في داخل انسان
شفتك رحلت وشفت روحك في عيني

غمضت أرد الروح من خلف الأجفان
عشان أصدق كذبتي انك تجيني

[حـــزن الـــــورود]

قالت مراحيب الشعر يا بن الأوزان
ضيفك ذبحه البرد دفه بحرفين

ولا أنت بس تشعل قصيدك للأوطان
ما ذقت طعم الحب شكلك لها الحين

كلك شموخ ولا كتب مثلك فلان
وعلان لو يقعد على الحرف قرنين

أدري الصحافه ماذكرت فيك عنوان
بس أنت للأوطان عز وعناويين

عمر الصحافه ما رفعت عالي الشان
وإذا أرفعت ترفع ترى ناس فاضين

من يجهلك يا الحر من دون جنحان
وانت الذي بزهمول عمرك جناحين

عندي ترى تسوى شيوخ وبلدان
من رفعتك قامت شيوخ وبلادين

الشعر له طيب وتواريخ فرسان
وهذا القلم خادم لفعل المياديين

ولا الردى لو يوصف الشعر فنجان
ما تلمس أشعاره صدور الاصيلين

هذا أنا الدنيا وجيتك با الأحضان
قلت أفتنك وتصير ويا الشياطين

حاولت أنا الدنيا على قدر الأمكان
مدري أنا من وين أفتنك من وين

دورت لك مذهب مع كل الأديان
لا أنت مع الدنيا ولا أنت مع الدين

ودريت هذا الصدق لو يمشي بأنسان
ماغيرك اللي صار للصدق رجلين

[حـــزن الـــــورود]

بعد لك وجـه تجينـي بعـد مـاذوقتني امرارك
ياعمي طير خلاص انسى ولاتفكـر تطـق بابي

اخاف بس صج تموت فيني اقول الا انت شخبارك
اقول فارق واخـذ جملة تموت فـيني وتحيابي

طفى ضـو المحبـه وأنطفى فـي عمري مشوارك
وعرفت اقسى الطعون اللي تجي من خنجر اقرابي

خلاص الحين بس الحين عرفت شلون امطارك
تصب هناك لكل الناس وتنـسى تـروي ترابي

تعال وشـوف بـرواز العيـون وفيـه انظارك
هو التذكار مـدام انـت النظـر وتجمل اهدابي

اشوف بس أخذ الاشواك وغيري يـاخذ ازهارك
ياطيبي كنـت احسب الجـرح منك حيل يزهابي

من اول تنشغل فينـي وفينـي تـشغل افكارك
واشوف الحيـن ماتقـدر تطيـق تشـوف ترحابي

عمت عين الظمـا ان كان الظما يترجى انهارك
وعمت عين الهوى ان كان الهوى بيشتت اعصابي

تخـاف القلـب لا اظلم غـلاه يمـوت بأنوارك
أبـد لاتخـا ف متعـود عـلى طعــات أحبابي

مو مية نـار تحرقني بقت هـي بـس على نارك
ابشرك مـابقى اي شـي تحرقـه كفو اصحابي

تجينـي ويعني وبعـديـن شسوي يعني لأعذارك
تصوبني وتـرضي كل غـرورك من ورى صوابي

اقـول اسـت ولا تـكثر تـرى مليت تكرارك
طلبتـك لين ماجفت عيـوني من ورى اعتابي

توكل ما بقى لك شي في عمري كود تذكارك
أو اسمع حتى تـذكارك كسرتـه داخل أهدابي

[حـــزن الـــــورود]

http://0sss0.com/up/gallery_files/htq15617.jpg




الدنيا

جتني تشيل عيونها سيوف سلطان
وفي زولها شفت أنتصارات حطين

لا قبلها تمشي عيوني على أنسان
ولا بعدها أنسان يوقف على العين

مدري الشعر ياخذ من النار نيران
ولا من الهيبه غدى اللون لونين

أحمر يشب الليل من فوق الأمتان
نيرانها تشعل ضلوع المزايين

قمرى أتعلق في وسط قلب الأكوان
وأقدامها تبرق على الأرض حجلين

نار أترامح من على روس عدوان
نيرانها تحطب ضلوع الوفيين

تفرح إذا تنحر من الناس خلان
وتحزن إذا يفرح عليها القريبين

تضحك إذا تفرق من الحب أخوان
وتحزن إذا أجتمعو بهواها محبين

بعيونها نهر يصب خلف الأجفان
وعند الهدب تلقى العطاشى كثيرين

فيها بريق القوت يسكن بـتيجان
وفيها أنكسار الجوع وسط اليتيمين

مدري أقول الكون يمشي با الأعيان
ولا أقول عيون تمشي في كونين

بكفوفها سطوة بورايد شجعان
ورمح طعن مليون شيخ وسلاطين

أن صافحت ذنب ٍ يسولف لغفران
تذل عزيز / تعز ناس ذليلين

كفين بعيوني وأقول أنها أكفان
يعني تشوف الموت يمشي بكفنين

تركض وتطرد دينها كل الأديان
ومن وصلها ماتو عليها ملايين

شفت الغني يركض يبي الود ولهان
وشفت التمني يجرح أشفاه مسكين

من قربت سيحت عمري با الأشجان
وأقول عادي دام أنا أنسان من طين